புதுக்குறள்! ......(புதுக்குமோ..?)

ஒத்தார் இலவயத்திற்கு ஓடினார் மற்றையோர்

செத்தார்,வாக் கற்றோருள் சேர்ந்து!                       1

புத்தேள் உலகின் பொருட்கள் இலவயமாய்

இத்தரைமேற் கொள்ளல் இனிது!                         2

கடல்நீர் எடுத்துக் கரவாது மாரி

கொடல்போலும் கொள்கை அரசு!                        3

ஊழலால் பெற்றபொருள் ஊருள் இறைப்பதுவே

வேளாண்மை என்று விளக்கு!                           4.

ஒப்பி இலவயங்கள் உன்னதாய்க் கொள்ளுவையேல்

இப்பிறப்பில் ஊழலிற வாது!                             5.

ஊருணி நீர்வளைத்தே ஊருக்குள் விற்பவர்க்கே

பேரறி வாளனெனும் பேர்!                               6

பயன்மரம் குத்தகைக்கு விட்டற்றால் வாக்குச்

செயநீங்கள் வாங்கும் பணம்!                            7

மருந்தாம் அரசுமரம் ஊழலால் வெட்டி

அருந்தார் அறிவுடை யார்!                               8

நஞ்சிடுவார் ஊருணியில் நல்லவரும் ஆவாரோ?

அஞ்சிடுவீர் ஊழல் அதை!                               9

உலக நடையறிதல் ஒப்புரவாம்; சூழும்

கலகங்கள் விட்டறிதல் காண்!                           10

                                   (†)